Yangi Zelandiyada vulqon otildi

Yangi Zelandiyadagi Uayt-Aylend vulqoni otilib, osmonga ulkan kul bulutini sochdi, oqibatda bir qancha parvozlar bekor qilindi. Bu haqda “France 24” xabar berdi.

Air New Zealand milliy aviatashuvchisi bugun, 22 avgust kuni ba’zi aeroportlarda vulqon kuli yo‘llari bo‘ylab uchishi sababli 10 ta reys bekor qilingani haqida xabar berdi. Olimlar vulqonning ventilyatsiya jarayoni kelasi oygacha davom etishidan ogohlantirmoqda.

Ta’kidlanishicha, Yangi Zelandiyaning asosiy orollaridagi ba’zi odamlar vulqon gazining hidini, ko‘z va tomoqda yengil tirnashni his qilishlari mumkin.

Ma’lumot uchun, vulqon oroli mamlakatning eng yirik shahri Oklenddan 200 km uzoqlikda joylashgan. Orol ilgari mashhur sayyohlik maskani bo‘lgan, biroq u yerga borish 2019 yildan beri taqiqlangan. Sababi, o‘sha yili vulqondan ko‘p miqdorda kul va bug‘ning otilishi sayyoh sifatida tashrif buyurgan 22 kishining hayotiga zomin bo‘lgan.

Eslatib o‘tamiz, avvalroq, Rossiyaning Kamchatka yarimorolida vulqon otilgani xabar qilingan edi.