Whatsapp yangi funksiyasini e’lon qildi
Texnologiya
−
24 mart 2023 11534
Whatsapp messenjeri videoxabar jo‘natish imkoniyatiga ega bo‘ladi. Bu haqda “WABetaInfo” portali xabar berdi.
Qayd etilishicha, endi messenjer foydalanuvchilari 60 soniyagacha bo‘lgan qisqa videoxabarlarni yozib olishlari va yuborishlari mumkin bo‘ladi.
Bu xabarlar shifrlash orqali himoyalanadi, ya’ni hech kim, jumladan, internet-provayder va Whatsapp xodimlari ham bu ma’lumotlardan foydalana olmaydi.
Hozircha yangilik iOS qurilmalari uchun messenjerning 23.6.0.73 beta-versiyasida mavjud. U keng doiradagi foydalanuvchilar uchun qachon ishga tushirilishi noma’lum.
Eslatib o‘tamiz, avvalroq Whatsapp messenjeri foydalanuvchilarga suratlarni asl sifatda yuborish funksiyasini taqdim etgandi.
Live
Barchasi
