Varan ikkita muhim uchrashuvni o‘tkazib yuboradi
Sport
−
01 dekabr 2021 3179
“Manchester Yunayted” himoyachisi Rafael Varan Angliya premer ligasi doirasida “Arsenal” va “Kristal Pelas”ga qarshi o‘yinlarda jamoasiga yordam bera olmaydi. Bu haqda mankunianliklar matbuot xizmati xabar berdi.
Ma’lum qilinishicha, fransiyalik futbolchi UEFA Chempionlar ligasi guruh bosqichidan o‘rin olgan “Atalanta”ga qarshi o‘yinda (2:2) olgan jarohatidan allaqachon tuzalgan. Biroq, “Qizil iblislar” murabbiylar shtabi futbolchining jarohati qaytalanishi mumkinligidan xavotirda.
MYU ustozi Maykl Kerrik Varanni majburan qaytarishni istamayapti. Murabbiy qo‘shimcha dam olgan himoyachi APLning navbatdagi o‘yinlariga yaxshi tayyorgarlik ko‘rishiga umid qilmoqda.
Ma’lumot uchun, joriy mavsumda Rafael Varan barcha turnirlarda 9 ta o‘yin o‘tkazib, bitta golga assistentlik qilgan.
