“Vagner” egallagan harbiy okrug shtab-kvartirasida portlash sodir bo‘ldi

Rostov-Dondagi Janubiy harbiy okrugi shtab-kvartirasida portlash ovozi eshitildi. Bu haqda RBK xabar berdi.

"Vagnerchilar u yerga to‘plangan shahar aholisini haydab chiqarishni boshladi", deyiladi xabarda.

Shuningdek, shtab-kvartirada "tushunib bo‘lmaydigan otishma" haqida xabar berilgan.

“Hurmatli Rostovliklar, agar siz ayni vaqtda Budennovskiy prospektidagi shtab-kvartirada yoki boshqa o‘rab olingan binolar yaqinida bo‘lsangiz, tavakkal qilmaslik va xavfsiz joy topishingiz yaxshiroqdir. Eng yaxshisi uyga qaytganingiz ma’qul”, deya ogohlantirgan nashr.

Eslatib o‘tamiz, bugun, 24 iyun kuni “Vagner” jangchilari Rostovdagi Janubiy harbiy okrug shtab-kvartirasini egallab olgandi. Moskvada ham xavfsizlik choralari kuchaytirildi. Buning ortidan Rossiya Mudofaa vazirligi “Vagner” hujum otryadlari jangchilariga, Prezident Vladimir Putin esa rossiyaliklarga murojaat bilan chiqdi. Shuningdek, O‘zbekistonning Rossiya Federatsiyasidagi elchixonasi Rossiyada bo‘lib turgan fuqarolarini ogohlantirdi.

Avvalroq Rossiya Xavfsizlik kengashi raisining o‘rinbosari Dmitriy Medvedev va uning oilasi Moskvadan evakuatsiya qilingani, Putin ham vertolyotda Novogorodning Valday shahriga ketgan bo‘lishi mumkinligi aytilgandi.

Sevara Husniddinova