O‘zbekistonning qaysi hududida aholi tezroq o‘syapti?
Jamiyat
−
15 aprel 2023
13697O‘zbekiston hududlari kesimida Toshkent shahri, Jizzax, Namangan va Surxondaryo viloyatlari aholisi qolganlariga nisbatan tez o‘smoqda. Bu haqda Statistika agentligi matbuot xizmati xabar berdi.
Ma’lum qilinishicha, O‘zbekiston Respublikasida 2023 yil 1 aprel holatiga doimiy aholi soni 36 197 781 kishini tashkil etgan. Bu ko‘rsatkich 2022 yilning shu davri bilan solishtirilganda 2,2 foizga ko‘paygan.
Hududlar kesimida doimiy aholi sonining o‘sishi:
- Qoraqalpog‘iston Respublikasi – 1,3% (1 981,8 ming kishi);
- Andijon viloyati – 2,1% (3 338,2 ming kishi);
- Buxoro viloyati – 1,7% (2 016,6 ming kishi);
- Jizzax viloyati – 2,3% (1 483,1 ming kishi);
- Qashqadaryo viloyati – 2,2% (3 499,1 ming kishi);
- Navoiy viloyati – 2,1% (1 060,6 ming kishi);
- Namangan viloyati – 2,3% (3012,5 ming kishi);
- Samarqand viloyati – 2,2% (4 137,9 ming kishi);
- Surxondaryo viloyati – 2,3% (2 821,9 ming kishi);
- Sirdaryo viloyati – 2% (900,9 ming kishi);
- Toshkent viloyati – 1,8% (3007 ming kishi);
- Farg‘ona viloyati – 2,1% (3 994,8 ming kishi);
- Xorazm viloyati – 1,8% (1 965,2 ming kishi);
- Toshkent shahri – 3,3% (2 978,2 ming kishi).
Ma’lum qilinishicha, O‘zbekistonda doimiy aholi soni har kuni o‘rtacha qariyb 2 ming kishiga oshib bormoqda.