O‘zbekistonlik sportchilarning Universiadadagi medallari soni uchtaga ko‘paydi
Sport
−
02 avgust 2023 2552
Xitoyning Chendu shahrida davom etayotgan Butunjahon Universiadasining navbatdagi kunida o‘zbekistonlik taekvondo ustalari sovrindorlar qatoridan joy oldi.
O‘zbekiston terma jamoasi 1 ta kumush va 2 ta bronza medaliga sazovor bo‘ldi.
Taekvondo WT bahslarida ikki karra Jahon chempionati sovrindori Feruza Sodiqova kumush medalni qo‘lga kiritdi. Sodiqova -62 kg vazn finalida tailandlik raqibasiga imkoniyatni boy berdi. Shuningdek, musobaqada yarim finalga yetib borgan Najmiddin Qosimxojiyev (-74 kg) bronza medaliga sazovor bo‘ldi.
Ushuning jangovar yo‘nalishida -80 kg vazn toifasida yarim final bosqichigacha yetib kelgan Azizbek Isroilov ham bronza medaliga ega chiqdi. Hozircha O‘zbekiston delegatsiyasining jamg‘argan medallari 7 ta kumush va 3 ta bronzani tashkil etmoqda.
Live
Barchasi
