O‘zbekistonlik bokschilar WBC Gran-prisini g‘alaba bilan boshladi (video)

Ayni kunlarda Saudiya Arabistoni poytaxti Ar-Riyod shahrida Butunjahon boks kengashining (WBC) Gran-prisi o‘tkazilmoqda.

Ushbu turnirda 5 nafar o‘zbekistonlik bokschi ishtirok etmoqda. Kecha, 17 aprel kuni o‘zbekistonlik bokschilarning chiqishini Ayubxon Baxtiyorov boshlab berdi.

Baxtiyorov yarim yengil vazn toifasida Fransiya vakili Jamal Xajabga qarshi bahs olib borib, raqibini 6 raundda texnik nokautga uchratdi.

Qayd etish joiz, Ayubxon jang davomida raqibini bir necha bor nokdaunga tushirdi. Ushbu g‘alaba o‘zbekistonlik charm qo‘lqop ustasini 1/8 finalga olib chiqdi. Bu bosqich janglari 20-22 iyun kunlari bo‘lib o‘tadi.

Bugun,18 aprel kuni turnir doirasida 2 nafar o‘zbekistonlik bokschi ringga ko‘tariladi.

Juftliklar bilan tanishing:

Mujibillo Tursunov - Maykl Adesodun (JAR);

Kamronbek Eshmatov - Danilo Lozan (Ukraina).

Janglar Toshkent vaqti bilan soat 17:00 dan boshlab start oladi.