O‘zbekistonga elektromobillar importi 6 barobarga oshdi 

Yanvar-oktyabr oylari davomida O‘zbekistonga 22,5 mingta elektromobil import qilingan. Bu o‘tgan yilning shu davriga nisbatan 6 barobar ko‘p. Bu haqda Bojxona qo‘mitasi xabar berdi. 

Unga ko‘ra, so‘nggi 10 oy davomida umumiy qiymati 582,3 million dollar bo‘lgan 22,49 mingta elektromobil import qilingan. 2022 yilda esa bu ko‘rsatkich 3 ming 679 tani tashkil etgandi. 

Shuningdek, yetkazib berish hajmi ham 13 barobarga ortgan. Jumladan, 2022 yilning yanvar-oktyabr oylarida O‘zbekistonga xorijdan 55,4 million dollarlik 1 ming 749 ta elektromobil import qilingan.

Eslatib o‘tamiz, 17 oktyabr kuni Shavkat Mirziyoyev “Amer International” industrial-sanoat xoldingi raisi Van Veninni qabul qilgan va u bilan elektomobillar hamda elektrotexnika, elektromobillar uchun akkumulyator batareyalari, mikroelektronika va yarimo‘tkazgichlar ishlab chiqarish bo‘yicha istiqbolli loyihalarni muhokama qilgandi.