O‘zbekistonda yana restoran, bozor va boshqa ob’ektlar faoliyati to‘xtatilmoqda

O‘zbekiston Respublikasiga koronavirus kirib kelishi va tarqalishining oldini olish yuzasidan chora-tadbirlar dasturini qayta tayyorlash bo‘yicha Respublika maxsus komissiyasining qarori bilan joriy yilning 10 iyuldan 1 avgustga qadar karantin choralari kuchaytiriladi. 

Unga ko‘ra, quyidagi ob’ektlar faoliyati to‘xtatiladi:

•    parklar va istirohat bog‘laridagi attraksionlar;

•    buyum bozorlari va buyumlar savdosi bilan shug‘ullanuvchi yirik do‘konlar; 

•    sport zallari, fitnes klub, trenajer va basseynlar; 

•    tashkiliy-huquqiy va mulkchilik shaklidan qat’i nazar maktabgacha ta’lim tashkilotlari, o‘quv kurslari va har qanday to‘garaklar;

•    umumiy ovqatlanish ob’ektlari (restoran, kafe, oshxona, choyxona) (yetkazib berish (keytering) xizmati bundan mustasno);

•    sanatoriylar, pansionatlar, bolalar oromgohlari, mehmon uylari, plyajlar va boshqa dam olish maskanlari. 

Eslatib o‘tamiz, yuqoridagilarning barchasi faoliyatiga joriy yilning 5-10 iyunidan ruxsat etilgan edi.