O‘zbekistonda piyoz narxi rekord darajada arzonlashdi
Foydali
−
06 may 19980
O‘zbekiston va Tojikistonda piyozning ulgurji narxlari rekord darajada tushdi. Bu haqda EastFruit portali xabar berdi.
Tahlilchilarning ma’lum qilishicha, ulgurji bozorda yangi piyozning bir kilogrammi 10 sent(taxminan 1250 so‘m)dan 20 sent(2500 so‘m)gacha baholangan. Sabzavotning bir tonnasini 100 dollar to‘lab, sotib olishingiz mumkin.
Ushbu narx yuqori sifatli, saralangan va qadoqlangan mahsulotlar uchun amal qiladi. Dehqonlar tomonidan daladan jo‘natilgan mahsulotlar bundan ham arzonroqqa sotilyapti.
“Qizig‘i, O‘zbekistonda 2023 yilgi piyoz hosili yangi hosilga qaraganda qimmatroq. Shu bilan birga, o‘tgan yilgi piyoz narxi barqaror darajada qolmoqda, yangi erta piyoz esa arzonlashmoqda”, deyiladi xabarda.
Mutaxassislarning prognoz qilishicha, O‘zbekiston va Tojikistonda erta piyoz hosili ham yuqori bo‘ladi. Bu esa ushbu mahsulot narxining oshishiga yo‘l qo‘ymaydi. May oyi o‘rtalarida piyoz narxi biroz barqarorlashishi mumkin.
Live
Barchasi
