O‘zbekistonda koronavirusga chalinganlar 11 500 ga yaqinlashdi

Bugun, 9 iyul soat 17:00 holatiga ko‘ra, O‘zbekistonda koronavirus infeksiyasi qayd etilganlar soni 188 nafarga ortib, 11 447 nafarni tashkil etmoqda.

Yangi kasallanish holatlari: 

•    104 nafari Karantin markazidagi fuqarolar (barchasi xorijdan kelgan) orasida;

•    56 nafari Toshkent shahrida (barchasi aholi orasida);

•    4 nafari Samarqand viloyatida (barchasi koronavirusga chalinganlar bilan muloqotda bo‘lib, karantinga olingan fuqarolar orasida); 

•    24 nafari Qoraqalpog‘iston Respublikasida (shundan 14 nafari koronavirusga chalinganlar bilan muloqotda bo‘lib, karantinga olingan fuqarolar orasida, 10 nafari aholi orasida) aniqlangan.

Bugun poytaxtdagi Virusologiya ilmiy-tekshirish instituti klinikasida 22 nafar bemor tuzaldi.

Shunday qilib, O‘zbekistonda ayni paytgacha 7 082 nafar (+22)  koronavirus infeksiyasiga chalingan (62 foiz) fuqarolar sog‘aygan. 

Hozirda mamlakatda 4 316 nafar bemorga shifokorlarimiz tomonidan belgilangan standartlar bo‘yicha davo choralari ko‘rilmoqda.