O‘zbekistonda o‘g‘il bolalar ko‘p tug‘ilyaptimi yoki qizlar?
Jamiyat
−
28 aprel 2022 35592
2022 yilning yanvar-mart oylarida O‘zbekistonda 203 670 nafar chaqaloq tug‘ilgan. Bu haqda Davlat statistika qo‘mitasi ma’lum qildi.
Yanvar-mart oylarida tug‘ilganlar:
• O‘g‘il bolalar soni – 104 777 nafar;
• Qiz bolalar soni – 98 893 nafar.
Eng ko‘p tug‘ilish Samarqand viloyatida qayd etilgan – 24 265 nafar. Eng kam tug‘ilish Sirdaryo viloyatida qayd etilgan – 5 422 nafar.
Eslatib o‘tamiz, joriy yilning birinchi choragida 57 873 ta nikoh holatlari qayd etilgan. Bu o‘tgan yilning mos davriga nisbatan 2015 taga kam.
Ma’lumot uchun, 2022 yilning 1 aprel holatiga O‘zbekistonning doimiy aholisi 35 433 772 kishini tashkil etmoqda. Mamlakatda aholi soni har kuni o‘rtacha 1,8 ming kishiga ko‘paymoqda.
