O‘zbek yengil atletikasi yulduzidan navbatdagi oltin medal
Sport
−
24 iyun 2019 5153
Kecha, 23 iyun kuni Polshaning Opole shahrida yengil atletika bo‘yicha “Opolski Festiwal Skoków” xalqaro musobaqasi bo‘lib o‘tdi. Jahonning taniqli atletlari ishtirokida kechgan bahsda O‘zbekiston terma jamoasi vakillari ham o‘z omadini sinab ko‘rishdi.
Quvonarlisi, musobaqada ayollar o‘rtasida balandlikka sakrash sektorida qatnashgan o‘zbek sportchisi Nadiya Dusanova oltin medalni qo‘lga kiritdi. Ikkinchi o‘rin Ukraina vakilasi Irina Gerashenkoga nasib etgan bo‘lsa, italiyalik Alessiya Trost kuchli uchlikni yakunlab berdi.
E’tiborlisi, barcha sovrindorlar bir xil 1.86 metr natija qayd etishgan. Dusanova ushbu balandlikni birinchi urinishning o‘zidayoq zabt eta olgani uning yuqori o‘rindan joy olishini ta’minladi. Qolgan sovrindorlar bu natija uchun 2 tadan urinish sarflashdi.
Live
Barchasi
