O‘yindan o‘q chiqdi. Narda o‘yini qotillik bilan yakunlandi
Jamiyat
−
08 may 2019 6758
Andijon viloyati Xo‘jaobod tumanida ikki tanish narda o‘ynab o‘tirib, o‘zaro janjallashishining oxiri baxayr bo‘lmadi. O‘zaro janjal qotillik bilan tugadi.
Joriy yilning 6 may kuni soat taxminan 21:40 da A.U. tanishi S.U. bilan narda o‘ynab o‘tirganda ikki o‘rtada janjal kelib chiqqan. So‘ng S.U.ning boshqaruvida bo‘lgan avtomashinaga o‘tirishib, ko‘p masofa yurmasdan, avtomashina ichida o‘zaro janjalni davom ettirishgan. S.U. avtomashinani to‘xtatganida, A.U. avtomashinadan tushib S.U.ni urgan vaqtida, u avtomashinasidagi pichoq bilan A.U.ning chap ko‘krak qismiga bir marotaba urib, qasddan o‘ldirgan.
Bosh prokuratura Matbuot xizmati bergan ma’lumotga ko‘ra, mazkur holat yuzasidan tuman prokuraturasi tomonidan S.U. ga nisbatan O‘zbekiston Respublikasi Jinoyat kodeksining 97-moddasi 1-qismi bilan jinoyat ishi qo‘zg‘atilgan.
Live
Barchasi
