Urgutda 5 yashar bola YTH qurboni bo‘ldi
Jamiyat
−
19 avgust 2020 5618
Joriy yilning 17 avgust kuni Samarqand viloyatining Urgut tumanida yuz bergan yo‘l-transport hodisasi 5 yashar bolaning umriga zomin bo‘ldi. Bu haqda Ichki ishlar vazirligi xabar berdi.
YTH soat taxminan 16:00larda Urgut tumani “Ipakli” mahallasining ichki yo‘lida sodir bo‘lgan. Urgut tumani A’loxotin mahallasida yashovchi 1991 y.t. M.A. o‘zining “Moskvich-412” rusumli avtomashinasini “Ipakli-Jozmon” yo‘nalishi bo‘ylab boshqarib kelib, velosipedda yo‘lning o‘ng tomonidan chap tomoniga kesib o‘tayotgan 2015 y.t. Z.Sh.ni urib yuborgan.
5 yashar bolakay olgan tan jarohatlari oqibatida Urgut tuman Tibbiyot birlashmasida vafot etgan.
Mazkur holat bo‘yicha tuman IIO FMB huzuridagi Tergov bo‘limi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilib, tergov harakatlari olib borilmoqda.
