Ukrainada bir sutkada 100 ga yaqin harbiy to‘qnashuv yuz berdi

Ukrainada so‘nggi 24 soat ichida 98 ta harbiy to‘qnashuv sodir bo‘ldi. Bu haqda mamlakat Qurolli kuchlari Bosh shtabi ma’lum qildi. 

Rossiya Mirnograd, Novogrodovka (Donetsk viloyati) infratuzilmasiga jami 8 ta raketa (S-300 zenit-raketalari bilan) va 4 ta havo hujumi, MLRS'dan Ukraina qo‘shinlari va turli aholi punktlari pozitsiyalariga 78 ta o‘q uzgan.

26 yanvar kuni tushdan keyin Rossiya kuchlari 4 ta Shahed-136/131 hujumchi dronlari yordamida navbatdagi havo hujumini amalga oshirgan. Ukraina havo hujumidan mudofaa kuchlari va vositalari barcha hujumchi dronlarni yo‘q qilgan.

Ertalab Rossiya kuchlari Slavyansk (Donetsk viloyati) fuqarolik infratuzilmasiga “Iskander” ballistik raketasi bilan hujum qilgan.

Chernigov, Sumi, Xarkov, Lugansk, Donetsk, Zaporoje, Dnepropetrovsk, Xerson va Nikolayev viloyatlaridagi 120 dan ortiq aholi punktlari artilleriyadan o‘qqa tutilgan.

“Baxmut yo‘nalishida Ukraina Bogdanovka, Ivanovskiy, Klisheyevka va Andreyevka (Donetsk viloyati) yaqinida Rossiyaning 11 ta hujumini qaytardi”, deb yozadi Ukraina Bosh shtabi.