Ukraina Rossiya bilan yana bir shartnomani bekor qildi

Ukraina Vazirlar Mahkamasi Rossiya hukumati bilan ikki davlat elchixonalari huzurida o‘zaro savdo-iqtisodiy vakolatxonalarni tashkil etish to‘g‘risidagi kelishuvdan chiqdi. Bu haqda 10 yanvar kuni hukumatning Oliy Radadagi vakili Taras Melnichuk ma’lum qildi. 

“Ukraina Vazirlar Mahkamasi va Rossiya Federatsiyasi hukumati o‘rtasida Ukrainaning Rossiya Federatsiyasidagi elchixonasi tarkibida savdo-iqtisodiy vakolatxona filialini va Rossiya Federatsiyasining savdo vakolatxonasi filialini o‘zaro tashkil etish to‘g‘risida kelishuv Ukrainada tugatildi”, deb yozdi u Vazirlar Mahkamasi yig‘ilishidan keyin o‘zining Telegram-kanalida. 

Ushbu shartnoma 2009 yil 29 aprelda Moskvada tuzilgan. 

Savdo-iqtisodiy missiya Ukrainaning Rossiya Federatsiyasidagi elchixonasi tarkibiga kirdi, u Moskva markazidagi Leontevsk ko‘chasidagi konsullik bilan birga joylashgan. 

Eslatib o‘tamiz, joriy yilning 24 fevral kuni Ukraina Prezidenti Vladimir Zelenskiy Ukraina Rossiya bilan diplomatik munosabatlarni uzishga qaror qilganini ma’lum qilgandi.