Ukraina kuchlari Rilskka ham hujum qildi

Bugun, 21 dekabr kuni Ukraina Qurolli kuchlari Rossiyaning Kursk viloyati Rilsk shahriga bergan yirik zarbasi oqibatida besh kishi halok bo‘ldi, 12 kishi yaralandi. Bu haqda Kursk viloyati gubernatori vazifasini bajaruvchi Aleksandr Xinshteyn o‘zining Telegram-kanalida xabar berdi.

“12 kishi jarohatlangan, birining o‘pkasi o‘rtacha darajada shikastlangan, besh kishi vafot etgan, ular orasida bolalar yo‘q”, deb yozgan u.

Shuningdek, Xinshteyn Ukraina Qurolli kuchlari raketalari Rilskdagi o‘ifoxonaga urilgani haqidagi xabarlarni rad etgan.

Rilsk Kurchatovdagi atom elektr stansiyasidan 30 kilometr uzoqlikda joylashgan. Shahar Ukraina qurolli kuchlari tomonidan o‘qqa tutilgan. Rossiya havo hujumidan mudofaa tizimlari Amerikaning HIMARS MLRS’dan otilgan bir nechta raketalarni urib tushirgan.

Hujum paytida madaniyat uyi, sport-sog‘lomlashtirish majmuasi, pedagogika kolleji, maktab, o‘t o‘chirish bo‘limi, boshqa ijtimoiy ob’ektlar, ofis binolari, mehmonxona majmuasi, shuningdek, xususiy va ko‘p qavatli binolarga shikast yetgan.

Tergov qo‘mitasi “terrorchilik hujumi” moddasi bo‘yicha jinoiy ish qo‘zg‘atgan.

Eslatib o‘tamiz, bugun, 21 dekabr kuni ertalab Ukraina uchuvchisiz samolyotlari Tatariston poytaxti Qozon shahriga ham hujum qilgandi.