UEFA Chempionlar Ligasi yangi mavsumi start oldi

Kecha, 16 sentyabr kuni UEFA Chempionlar Ligasining yangi mavsumi boshlandi. Ochilish kunida 6 ta uchrashuv o‘tkazildi.

“Real Madrid” 2:1 “Marsel”

Madridliklar turnirni g‘alaba bilan boshlashdi. Kilian Mbappe ikkala golni ham penaltidan urdi. Daniel Karvaxal qizil kartochka olib, maydonni tark etgani bois, “Real” o‘yinni 10 kishi bo‘lib yakunladi.

“Yuventus” 4:4 “Borussia Dortmund”

Turin shahridagi bahs gollarga boy tarzda kechdi. Dortmund bir necha bor hisobda oldinga chiqdi, biroq “Yuventus” javob gollari evaziga durang natijaga erishdi.

“Qorabog‘” 3:2 “Benfika”

Ozarbayjon klubi ikki gol ortda qolganiga qaramay, yakunda 3 ta gol kiritgan holda uch ochkoni qo‘lga kiritdi. Bu “Qorabog‘” uchun katta ruhiy g‘alaba bo‘ldi.

“Arsenal” 2:0 “Atletik Bilbao”

London klubi safarda ishonchli o‘yin ko‘rsatdi. Gollar zaxiradan tushgan futbolchilar Martinelli va Trossardlar tomonidan kiritildi.

“Tottenhem Hotspur” 1:0 “Vilyarreal”

Londonliklardan minimal hisobdagi g‘alaba, biroq muhim uch ochko. “Shporlar” ochilish turini g‘alaba bilan boshlashdi.

PSV 1:3 “Yunion” 

Belgiya jamoasi safarda kutilmagan g‘alabaga erishdi. “Yunion” jamoasining 3 ta goliga PSV klubi 1 ta javob qaytarishga erishdi.

Ma’lumot uchun, bugun, 17 sentyabr va ertaga, 18 sentyabr kunlari ham bir qancha uchrashuvlar bo‘lib o‘tishi reja qilingan.

Bugun, 17 sentyabr kuni bo‘lib o‘tadigan o‘yinlar ro‘yxati:

•  “Olimpiakos” – “Pafos”
•  “Slaviya Praga” – “Budyo-Glimt”
•  “Bavariya” – “Chelsi”
•  “Pari Sen-Jermen” – “Atalanta”

Ertaga, 18 sentyabr kuni bo‘lib o‘tadigan o‘yinlar ro‘yxati:

• “Nyukasl” – “Barselona”
• “Manchester Siti” – “Napoli”
• “Frankfut” – “Galatasaray”
• “Sporting” – “Qayrat”