Uchta faktor Liverpulni yengishimizga sabab bo‘ldi – Enrike

PSJ bosh murabbiyi Luis Enrike jamoasining Yevropa Chempionlar ligasining 2024/2025 yilgi mavsumi 1/8 finalida “Liverpul” bilan javob uchrashuvida 1:0 (4:1 pen.) hisobidagi g‘alabasiga izoh berdi.

“To‘pni ushlab turish qiyin bo‘ldi. Ammo mentalitet, xarakter va ayniqsa Donnarumma tufayli biz g‘alaba qozona oldik. Hozir biz tezroq tiklanish va keyingi o‘yinga tayyorgarlik ko‘rish haqida o‘ylashimiz kerak. Biz stadion yoki atmosferadan qat’i nazar, futbol o‘ynashni yaxshi ko‘rishimizni ko‘rsatdik”, deydi Enrike.

Qayd etish joiz, ikki o‘yindan iborat bahsda durang natija qayd etildi. Qo‘shimcha bo‘limlarda ham hisob o‘zgarmagach penaltilarda Parij klubi 4:1 hisobidagi g‘alaba evaziga qit’aning asosiy yevrokubok turnirida chorak finalga yo‘l oldi.

Ma’lumot uchun, chorak final o‘yinlari aprel oyida bo‘lib o‘tadi. Dastlabki bahslar 8-9 aprelga, javob uchrashuvlari esa 15-16 aprelga belgilangan.