U-20 Osiyo kubogi: O‘zbekiston guruhdagi raqiblarini bilib oldi
Sport
−
12:032742
Bugun, 7 noyabr kuni Xitoyning Shenchjen shahrida futbol bo‘yicha U-20 Osiyo kubogining guruh bosqichiga qur’a tashlash marosimi bo‘lib o‘tdi.
Musobaqaning 1-savatchasidan o‘rin olgan U-20 O‘zbekiston terma jamoasi qur’a startidan avval mezbon Xitoy, Iroq va Yaponiya bilan bir guruhda joy olmasligi aniq edi.
Qur’a natijalariga ko‘ra, musobaqaning amaldagi chempioni hisoblangan O‘zbekiston “C” guruhidan joy oldi. Ushbu kvartetda “oq bo‘rilar”ga Eron, Indoneziya va Yaman jamoalari raqib bo‘ladi.
Ma’lumot uchun, Osiyo chempionati 2025 yil fevral oyida bo‘lib o‘tadi. Turnirning eng yaxshi to‘rtta jamoasi OFK vakillari sifatida 2025 yilda Chilida bo‘lib o‘tadigan 20 yoshgacha bo‘lgan futbolchilar o‘rtasidagi Jahon chempionatiga yo‘llanma oladi.
Live
Barchasi06 noyabr
