U-20 Osiyo chempionatining dastlabki finalchisi aniq bo‘ldi
Sport
−
15 mart 2023 5914
Bugun, 15 mart kuni O‘zbekistonda o‘tkazilayotgan futbol bo‘yicha U-20 Osiyo chempionatining yarim final o‘yinlari boshlandi. Dastlabki yarim finalda Iroq va Yaponiya jamoalari kuch sinashdi.
Bahsning asosiy vaqti 1:1 hisobida yakunlandi. Ekstra-taymlarda ham ikkala tomon bittadan gol urishga muvaffaq bo‘ldi. Qo‘shimcha daqiqalarda boshqa gol urilmagach, hakam jamoalarni penaltilar seriyasiga taklif qildi.
Futbol lotoreyalarida iroqliklarning qo‘li baland keldi.
E’tiborlisi, o‘zbekistonlik yoshlar guruh bosqichida Iroq bilan bahs olib borib, kichik hisobda g‘alabaga erishgandi.
Bir necha soatlardan so‘ng, chempionatning ikki finalchisi nomi ham ma’lum bo‘ladi. Ikkinchi yarim finalda mezbon – O‘zbekiston jamoasi Janubiy Koreya vakillari bilan to‘qnash keladi. O‘yin soat 19:00 da boshlanadi.
Live
Barchasi
