Turkmaniston “Arqadag‘” sharafiga 448 mln dollarga mehmonxona quradi

Turkmanistonda mustaqillikning 30 yilligini nishonlash uchun paradlar o‘tkazishga mo‘ljallangan maydon, bolalar bog‘chasi va Prezident Gurbanguli Berdimuhamedov nomidagi 448 million dollarlik mehmonxona quriladi. “Xronika Turkmenistana” nashri ba’zi ob’ektlarning narxini ma’lum qildi.

Davlat televideniyesida Prezident bilan uchrashuvning kadrlari namoyish etilgan, unga qurilayotgan inshootlar bilan slaydlar namoyish etilgan. Ularda buyurtmachi, pudratchi, qurilish muddatlari va qiymati ko‘rsatilgan. Ilgari ushbu ma’lumotlar jamoatchilikka e’lon qilinmagan.

Qiymati 1,37 milliard dollarga teng bo‘lgan bir qator inshootlarni Fransiyaning “Bouygues Bâtiment” kompaniyasi quradi. Ular orasida Ashxaboddagi paradlarni qabul qilish uchun hukumat tribunasi, Xalqaro qabullar markazi, Turkmanboshi bank binosi va “Arqadag‘” mehmonxonasi bor. Mehmonxona qurilishi 448 mln dollarga bag‘olanmoqda.

Bundan tashqari, Myradym turkman kompaniyasi olabay itlari parvarishlanadigan joy ham quradi.

Ma’lumot uchun, Arqadag‘ Turkmaniston Prezidenti Gurbanguli Berdimuhamedovning unvoni hisoblanadi.