Turkiyadagi zilzila jabrlanuvchilari orasida o‘zbekistonliklar bormi?

Avvalroq, Turkiyaning g‘arbiy qismida Izmir viloyatida vayronkor zilzila yuz bergani xabar qilingandi. Ma’lumotlarga ko‘ra, zilzila kuchi 6,6 ball bo‘lgan.

O‘zbekistonning Istanbul shahridagi Bosh konsulxonasi ma’lumotiga ko‘ra, bugun, 30 oktyabr kuni sodir bo‘lgan kuchli zilzila natijasida halok bo‘lgan va jarohat olganlar orasida O‘zbekiston fuqarolari qayd etilmagan.

O‘zbekistonning Anqarada shahridagi Elchixona va Istanbul shahridagi Bosh konsulxonasi Izmir viloyatining Tezkor shtabi bilan doimiy aloqa o‘rnatgan.

“Jarohat olgan hamyurtlarimiz to‘g‘risida ma’lumot aniqlanganda,  zarur yordam ko‘rsatish uchun O‘zbekistonning Istanbul shahridagi Bosh konsulxonasiga murojaat qilshingizni so‘raymiz (tel.: +90 212-323-20-36/37)”, deyiladi xabarda.

Ma’lumot uchun, Izmirdagi zilziladan ko‘p o‘tmay Turkiya milliy valyutasi lira dollarga nisbatan keskin qadrsizlandi va 1 dollar 8,379 liraga yetdi.