Turkiyada Rossiyaning ikki klubi futbolchilari mushtlashdi (video)
Sport
−
05 fevral 6192
Rossiyaning “SKA‑Xabarovsk” va “Chelyabinsk” klublari futbolchilari Turkiyadagi o‘quv-mashg‘ulot yig‘inida o‘tkazilgan o‘rtoqlik uchrashuvidan so‘ng ommaviy tarzda mushtlashdi.
O‘yin 4:3 hisobida chelyabinskliklar foydasiga hal bo‘ldi. Final hushtagi yangraganidan keyin mushtlashuv boshlandi, janjal tasvirlari esa YouTube'da qilingan jonli efirda namoyish etildi.
Qayd etilishicha, “SKA‑Xabarovsk” o‘yinchilaridan biri “Chelyabinsk” klubi a’zosi bilan to‘satdan janjallashib ketgan, shundan so‘ng qolgan futbolchilar bahs jarayoniga qo‘shilgan. Mushtlashuv boshlanganidan ko‘p o‘tmay, jonli efir uzilib qolgan.
Ma’lumot uchun, “SKA‑Xabarovsk” Rossiya birinchi ligasi o‘ynaydi, “Chelyabinsk” esa ikkinchi liga bahslarida ishtirok etmoqda.
Live
Barchasi
