Turkiya Ukrainaga hujum qilmoqchi bo‘lgan rus kemalarini Qora dengizga o‘tkazmadi

Rossiyaning Tinch okeani flotining kemalari Uzoq Sharqqa qaytadigan bo‘ldi. Kemalar fevral oyidan buyon Turkiyadan Bosfor bo‘g‘ozini kesib, Qora dengizga kirish uchun ruxsat kutayotgandi, biroq Anqara ruxsat bermadi. Bu haqda UNIAN yozmoqda.

Qora dengiz strategik tadqiqotlari instituti monitoring guruhi rahbari Andrey Klimenkoning so‘zlariga ko‘ra, Rossiyaning “Varyag” raketa kreyseri va “Admiral Tributs” suv osti kemalariga qarshi yirik kemasi 6 noyabr kuni Singapur bo‘g‘ozi orqali o‘z bazasi Vladivostokga qarab ketayotganda ko‘ringan.

Shu bilan birga, kemalar 2 fevraldan beri O‘rtayer dengizida bo‘lgani ko‘rsatilgan. Ularning vazifasi Ukrainani o‘qqa tutish uchun Qora dengizga kirish edi.

“Quvurlardagi “Z” va “V” harflarini ko‘ryapsizmi? Bu eski latifadagi kabi: “Bu yordam bermadi” Va barchasi Turkiyaning bo‘g‘ozlari tufayli. Va ular 9 oy kutishdi.... Charchashdi, ta’mirlanadigan joy yo‘q edi, ekipajlar yovvoyilashdi”, deyiladi xabarda.

Rossiyaning Ukrainaga keng miqyosli hujumining birinchi kunlaridanoq rus kemalari Qora dengizni to‘sib, uning suvlaridan Ukraina shaharlariga hujum qilish uchun platforma sifatida foydalanyapti.