Туркия Украинага ҳужум қилмоқчи бўлган рус кемаларини Қора денгизга ўтказмади

Россиянинг Тинч океани флотининг кемалари Узоқ Шарққа қайтадиган бўлди. Кемалар февраль ойидан буён Туркиядан Босфор бўғозини кесиб, Қора денгизга кириш учун рухсат кутаётганди, бироқ Анқара рухсат бермади. Бу ҳақда УНИАН ёзмоқда.

Қора денгиз стратегик тадқиқотлари институти мониторинг гуруҳи раҳбари Андрей Клименконинг сўзларига кўра, Россиянинг “Варяг” ракета крейсери ва “Адмирал Трибуц” сув ости кемаларига қарши йирик кемаси 6 ноябрь куни Сингапур бўғози орқали ўз базаси Владивостокга қараб кетаётганда кўринган.

Шу билан бирга, кемалар 2 февралдан бери Ўртаер денгизида бўлгани кўрсатилган. Уларнинг вазифаси Украинани ўққа тутиш учун Қора денгизга кириш эди.

“Қувурлардаги “Z” ва “V” ҳарфларини кўряпсизми? Бу эски латифадаги каби: “Бу ёрдам бермади” Ва барчаси Туркиянинг бўғозлари туфайли. Ва улар 9 ой кутишди.... Чарчашди, таъмирланадиган жой йўқ эди, экипажлар ёввойилашди”, дейилади хабарда.

Россиянинг Украинага кенг миқёсли ҳужумининг биринчи кунлариданоқ рус кемалари Қора денгизни тўсиб, унинг сувларидан Украина шаҳарларига ҳужум қилиш учун платформа сифатида фойдаланяпти.