To‘qayev Vatikanda Rim Papasi bilan uchrashadi
Olam
−
16 yanvar 4769
Qozog‘iston Prezidenti Qosim-Jomart To‘qayev Italiya va Vatikanga borib, Italiya hukumati vakillari va Rim Papasi bilan uchrashadi. Bu haqda "Oqo‘rda" xabar berdi.
Manbaga ko‘ra, Qosim-Jomart To‘qayev joriy yilning 18-19-yanvar kunlari rasmiy tashrif bilan Italiya va Vatikanda bo‘ladi.
Tashrifning birinchi kunida davlat rahbari Italiya Prezidenti Serjo Mattarella va Bosh vazir Jorjia Meloni bilan muzokaralar o‘tkazishi rejalashtirilgan.
“Davlat rahbari Qozog‘iston - Italiya sarmoyaviy davra suhbatida ishtirok etadi va Italiyaning qator yirik kompaniyalari rahbarlari bilan uchrashuv o‘tkazadi”, deyiladi matbuot xizmatining xabarida.
Shuningdek, To‘qayev 19 yanvar kuni Vatikanda Rim papasi Fransisk qabulida ham bo‘lishi kutilmoqda.
Bundan tashqari, Prezident oziq-ovqat va qishloq xo‘jaligi tashkiloti (FAO) va BMTning Jahon oziq-ovqat dasturi (WFP) shtab-kvartiralariga ham boradi.
Eslatib o‘tamiz, avvalroq To‘qayevning Armanistonga yo‘l olishi aytilgandi.
Live
Barchasi
