To‘qayev Nazarboyev o‘rnatgan “super-prezidentlik”dan yuz o‘girdi

Qozog‘istonda parlament roli kuchaytiriladi va super-prezidentlikdan prezidentlik boshqaruv shakliga o‘tiladi. Bu haqda davlat rahbari Qosim-Jomart To‘qayev bugun, 16 mart kuni xalqqa qilayotgan murojaatida gapirdi. 

"Bizga Qozog‘iston taraqqiyotining siyosiy modelini qayta qurish bo‘yicha puxta o‘ylangan qadamlar kerak. Gap super-prezidentlik boshqaruv shaklidan kuchli parlamentga ega respublikaga yakuniy o‘tish haqida bormoqda. Bunday tizim hokimiyat institutlarining optimal muvozanatini ta’minlaydi va mamlakatning barqaror rivojlanishini ta’minlaydi", deb ta’kidladi Qozog‘iston rahbari. 

Uning qayd etishicha, bugun mamlakatda tom ma’noda hamma narsa Prezidentga qaratilgan va bu noto‘g‘ri. Qozog‘iston bu amaliyotdan asta-sekin voz kechishi kerak. 

To‘qayev Prezidentning o‘z vakolatlari davrida mamlakat o‘ng partiyasidagi a’zoligini tugatishni rasmiylashtirishni taklif qildi. 

“Prezidentning o‘z vakolatlari davrida partiya a’zoligini tugatish majburiyatini qonun bilan ta’minlashni taklif qilaman. Bu norma siyosiy raqobatni oshiradi, barcha partiyalarning rivojlanishi uchun teng sharoitlarni ta’minlaydi”, deydi u. 

Unga ko‘ra, mahalliy hokimliklar rahbarlari va ularga bo‘ysunuvchi shaxslarning partiya bo‘limlarida lavozim egallashini qonun bilan taqiqlash zarur. 

“Bunday qarorlar ko‘p qutbli partiya tizimini shakllantirish imkonini beradi”, deydi Prezident.