To‘qayev Mirziyoyevning islohotlari haqida fikr bildirdi
Olam
−
02 iyun 2021
7522Avval xabar berganimizdek, bugun, 2 iyun kuni O‘zbekiston Bosh vaziri Abdulla Aripov Qozog‘iston Prezidenti Qosim-Jomart To‘qayev bilan uchrashdi.
Uchrashuv chog‘ida To‘qayev O‘zbekiston bugungi kunda ko‘plab sohalarda keng ko‘lamli islohotlarni amalga oshirib, hayratomuz muvaffaqiyatlarga erishayotganini alohida ta’kidlagan. Uning so‘zlariga ko‘ra, qozog‘istonliklar O‘zbekiston ularning strategik hamkori va ittifoqchisi ekanidan faxrlanadi.
“Shavkat Miromonovich Mirziyoyev boshchiligida O‘zbekiston ijtimoiy-iqtisodiy rivojlanishda sezilarli yutuqlarga erishdi. Bu bizni xursand qilmasligi mumkin emas, chunki biz birodar davlatlarmiz. Tabiiyki, O‘zbekistonning muvaffaqiyatli rivojlanishi o‘zaro manfaatli hamkorlikning taraqqiyotiga ham ijobiy ta’sir ko‘rsatmoqda”, degan To‘qayev.
Muloqot vaqtida Qosim-Jomart To‘qayev Shavkat Mirziyoyev bilan telefon orqali suhbat chog‘ida tomonlar uchun qulay vaqtda Qozog‘istonga tashrifni amalga oshirishni taklif qilganini eslab o‘tgan.
LiveBarchasi
07 noyabr 2023
07 noyabr 2023
07 noyabr 2023