SSKA 19 yoshli futbolchini o‘z safiga qo‘shib oldi
Sport
−
20 fevral 2024 4085
Moskvaning SSKA klubi jazoirlik 19 yoshli yarim himoyachi Sid Ahmad Aissaui bilan shartnoma imzoladi. Bu haqda klub matbuot xizmati xabar berdi.
Manbaga ko‘ra, futbolchi bilan tuzilgan shartnoma 2025/26 yilgi mavsum oxirigacha amal qiladi. Tomonlar o‘zaro kelishgan holda keyinchalik bitimni yana ikki yilga uzaytirishi mumkin. Futbolchining transfer narxi taxminan 250 ming yevroni tashkil etgan.
Aissauining “armiyachilar”da oladigan maoshi klubning asosiy jamoasi futbolchilarinikidan kamroq bo‘ladi. Bundan tashqari, Ayssaui SSKAda boshqa valyutalarga taalluqli bo‘lmagan holda rublda shartnoma imzolagan birinchi xorijlik futbolchi bo‘ldi.
Ma’lumot uchun, Aissauining oxirgi jamoasi Jazoirning “USM Jazoir” klubi bo‘ldi. Yarim himoyachi Jazoir U-20 jamoasining yetakchilaridan biri bo‘lgan.
Live
Barchasi
