Trampning sud jarayoni: Sobiq prezident ayblovni rad etyapti

Kecha, 3 avgust kuni AQSHning sobiq prezidenti Donald Tramp Vashingtondagi Kolumbiya okrugi federal sudi yig‘ilishiga keldi. Bu haqda CNN xabar berdi. 

Trampga 2020 yilgi saylovlarda mag‘lub bo‘lganiga qaramay, hokimiyatda qolishga uringanligi haqidagi rasmiy ayblov o‘qib eshittirilgan. Sobiq prezident AQSHga qarshi fitna va o‘zi va uning tarafdorlari ovozlarini bekor qilishga uringan saylovchilarni aldash kabi to‘rtta moddada ayblanmoqda. Tramp o‘z aybini tan olmagan.

AQSHning sobiq prezidentiga Kolumbiya okrugidagi sudda guvohlik berish uchun kelish, shuningdek, ish bo‘yicha ma’lumotlarni oshkor qilmaslik buyurilgan. Shu bilan birga, prokurorlar sud jarayoni boshlanguniga qadar Trampni hibsga olmoqchi emas. Uning sanasi navbatdagi yig‘ilishda, 28 avgustda belgilanadi.

Sud binosidan chiqib ketarkan, Donald Tramp saylovoldi tashviqotiga zarar yetkazish maqsadida uni ta’qib qilishayotganini aytgan. 

"Bu Amerika uchun juda qayg‘uli kun", deb qo‘shimcha qilgan sobiq prezident.

Trampga Kapitoliy bosqini bo‘yicha ayblov 

2021 yilning 6 yanvarida Donald Trampning minglab tarafdorlari AQSH Kongressi amaldagi davlat rahbari Jo Baydenning prezidentlik saylovlarida g‘alaba qozonganini tasdiqlamasligi uchun Kapitoliy binosiga bostirib kirgan. Oqibatda to‘rt nafar namoyishchi va bir politsiyachi halok bo‘lgan. Yana 140 nafar politsiyachi yaralangan.

Hozirda sobiq prezidentga qo‘yilgan ayblovga ko‘ra, 2021 yilning 6 yanvarida Tramp va uning sheriklari prezidentlik saylovlarida soxta iddaolar tarqatish, shuningdek, zo‘ravonlik va tartibsizliklarni keltirib chiqarish orqali rasmiy ovoz berish natijalarini bekor qilishga uringan. Maxsus maslahatchi Jek Smitga ko‘ra, aynan Trampning yolg‘onlari Kapitoliyga hujumga sabab bo‘lishi mumkin edi.

Donald Trampdan tashqari yana olti nafar shaxsga nisbatan ayblovlar qo‘yilgan, ularning ismlari oshkor qilinmagan. Ayni paytda, ular orasida sobiq prezidentga saylovlardagi qallobliklar haqidagi bayonotlarni tarqatishga yordam bergan advokatlar ham borligi ma’lum. Bu Trampga qarshi ochilgan uchinchi jinoiy ish. Ilgari unga hujjatlarni soxtalashtirish, shuningdek, mudofaa ma’lumotlarini noqonuniy saqlashda ayblangan.