Tramp prezidentlikdan ketganidan so‘ng qayerda yashashi ma’lum bo‘ldi

Olam 10217
image

AQSHning amaldagi Prezidenti Donald Tramp lavozimidan ketganidan so‘ng Florida shtatidagi Mar-a-Lago qarorgohida yashashni rejalashtirmoqda. Bu haqda "Bloomberg" xabar bergan. 

Agentlikning ta’kidlashicha, Tramp Palm-Bichdagi qarorgohiga saylangan davlat rahbari Jo Baydenning inauguratsiyasidan biroz oldin ko‘chib o‘tmoqchi. 

Shuningdek, hozirgi Prezident Oq uyning amaldagi ba’zi xodimlarini o‘z bo‘ysunuvida qolishini xohlamoqda.

Ma’lumot o‘rnida, AQSHda 2020 yil 3 noyabr kuni prezidentlik saylovlari bo‘lib o‘tdi. Prezidentlikka asosiy da’vogarlar – demokrat Jo Bayden va amaldagi rahbar, respublikachi Donald Tramp edi.

Ommaviy va saylovchilarning ovoz berish natijalariga ko‘ra, Bayden g‘alaba qozondi, ammo Tramp saylov natijalarini tan olmadi va sudga da’vo qildi.

6 yanvar kuni Trampning tarafdorlari mamlakat poytaxti Vashingtondagi Kapitoliy oldida namoyish uyushtirib, Kongress binosiga bostirib kirdi. Shundan so‘ng bir qator messenjerlar Trampning akkauntlarini blokladi.

Rushana Sultonova
Maqolaga baho bering
Baholaganlar: 438
Reyting: 2.9
Teglar
t
×