Tramp oq tanlilar genotsidi haqida yolg‘on dalil ko‘rsatgani ma’lum bo‘ldi 

north_east

Tramp Oq uyda Ramafosaga tuzoq qo‘ydi: Janubiy Afrikada oq tanlilar genotsid qilingani aytildi

AQSH Prezidenti Donald Tramp Janubiy Afrikada oq tanli fermerlar ommaviy ravishda o‘ldirilayotgani haqidagi da’volarini tasdiqlash uchun yolg‘on dalillar keltirgani ma’lum bo‘ldi. Bu haqda kecha, 22 may kuni kechqurun “Reuters” xabar berdi.

Qayd etilishicha, Tramp ko‘rsatgan fotosuratlardan biri umuman Janubiy Afrikadan emas. Aslida, bu fevral oyida Kongo Demokratik Respublikasida olingan “Reuters” videosidan olingan kadr.

21 may kuni Janubiy Afrika Prezidenti Siril Ramafosaning Oq uyga tashrifi chog‘ida Tramp o‘sha suratni ham ko‘rsatdi va unda o‘ldirilgan oq tanli fermerlar tasvirlanganini da’vo qildi.

Biroq, “Reuters” xabariga ko‘ra, rasmda Kongoning Goma shahrida isyonchilar bilan to‘qnashuvdan so‘ng jasadlar qoplarini ko‘tarib ketayotgan qutqaruvchilar tasvirlangan.

Janubiy Afrikada oq tanlilarning ommaviy o‘ldirilishining yana bir dalili sifatida Tramp qishloq yo‘li bo‘ylab yuzlab oq xochlar tasvirlangan kadrlarni taqdim etdi. AQSH Prezidentining ta’kidlashicha, bular mingga yaqin o‘ldirilgan oq tanli fermerlarning qabridir.

KNA katolik axborot agentligi ma’lumotlariga ko‘ra, aslida tasvirlar 2020 yilda Janubiy Afrikaning sharqiy qismidagi norozilik namoyishidan olingan.

Ramafosa oq tanli ozchilikka qarshi “genotsid” ayblovlarini keskin rad etdi. U mamlakatdagi zo‘ravonliklarning yuqori darajasi muammosini tan oldi.

“Afsuski, odamlar jinoiy faoliyat oqibatida halok bo‘lmoqda. Bu nafaqat oq tanlilar – qurbonlarning aksariyati qora tanlilar”, dedi u.

Janubiy Afrika politsiyasining ma’lumotlariga ko‘ra, 2024 yilning oktyabr va dekabr oylari orasida mamlakatdagi fermer xo‘jaliklarida 12 kishi halok bo‘lgan, bu xuddi shu davrda mamlakat bo‘ylab qotillik qurbonlari umumiy sonining (6953) bir qismi.