Tramp koronavirusning foydalari borligini aytdi

Olam

image

AQSH Prezidenti Donald Tramp koronavirusning kutilmagan foydalari haqida gapirdi. Bu haqda Prezident Oq uydagi brifingda ma’lum qildi.

"Virusning tarqalishi, ijobiy natijalarga olib keladi. Masalan, aholini kundalik hayotda foydali odatlarga o‘rgatadi. Kelajakda ushbu odatlar grippni yuqtirmaslikka yordam beradi," deydi Tramp.

Xususan, Amerika rahbari qo‘llarni muntazam yuvishni va boshqalardan uzoqroq yurishni tavsiya qildi. Prezident odamlarga iloji boricha uyda o‘tirishni maslahat berdi.

Shuningdek, Tramp koronavirusdan saqlanishning shaxsiy tajribasi bilan o‘rtoqlashdi. U hozirda boshqalar bilan an’anaviy hindcha tarzda salomlashayotganini va bunday qilishni boshqalarga ham maslahat berdi. So‘nggi bora Tramp Irlandiya Bosh vaziri Leo Varadkar bilan qo‘l berib so‘rashganini ma’lum qildi. Amerika yetakchisi u bilan so‘rashganda adashganini va qaytib bunday qilmasligini aytdi.

So‘nggi ma’lumotlarga ko‘ra, AQSHda koronavirus bilan bog‘liq 188 578 ta holat aniqlangan. Kasallanganlarning 3 890 nafari vafot etgan, 7 251 nafari esa sog‘aygan.


Maqola muallifi

Teglar

AQSh Tramp Koronavirus

Baholaganlar

953

Reyting

3

Maqolaga baho bering

Doʻstlaringiz bilan ulashing