Tojikistondagi zilzila Surxondaryoda sezildi
Jamiyat
−
08 iyul 4418
Bugun, 8 iyul kuni Tojikistonda sodir bo‘lgan zilzila kuchi O‘zbekistonda ham sezildi. Bu haqda Favqulodda vaziyatlar vazirligining Seysmoprognostik monitoring Respublika markazi xabar berdi.
Bildirilishicha, yer silkinishi Toshkent vaqti bilan 18:04 da Tojikistonda sodir bo‘lgan.
Zilzila koordinatalari: 37,83 gradus shimoliy kenglik; 68,14 gradus sharqiy uzunlik. Magnituda M=4. Chuqurlik 10 km. Zilzila epitsentri Toshkentdan 393 km janubiy-g‘arbda.
Surxondaryo viloyatida sezilish kuchi:
Sho‘rchi tumanida 2-3 ball, 28 km.
Uzun tumanida 2 ball, 37 km.
Qumqo‘rg‘on tumanida 2 ball, 49 km.
Oltinsoy tumanida 2 ball, 53 km.
Eslatib o‘tamiz, avvalroq Qirg‘izistonda sodir bo‘lgan zilzila O‘zbekistonning bir nechta tumanlarida sezilgani xabar qilingandi.
