Tojikistondagi AYOQSHda kuchli portlash sodir bo‘ldi (video)

Kecha, 1 may kuni Dushanbedagi yoqilg‘i quyish shaxobchasida yong‘in paytidagi portlashi oqibatida 29 kishi jarohat oldi, ularning besh nafari og‘ir ahvolda. Bu haqda “RIA Novosti”ga Tojikiston Favqulodda vaziyatlar qo‘mitasi Matbuot kotibi Umeda Yusufiy ma’lum qildi.

Kecha, 1 may kuni mahalliy vaqt bilan soat 19:30 da Dushanbening g‘arbiy chekkasidagi yoqilg‘i quyish shaxobchasida kuchli portlash sodir bo‘ldi. U kamida 50 metr balandlikka yetgan. Shuningdek, poortlashga yaqin uylar ham zarar ko‘rgan. 

Ma’lum qilinishicha. yong‘in 10 ta ekipaj tomonidan bir yarim soatdan ko‘proq vaqt davomida o‘chirilgan. Yaqin atrofda joylashgan tez yordam stansiyasining shoshilinch tibbiy yordam bo‘limi portlash oqibatida kuyish va boshqa jarohatlar bilan 15 nafar yaradorni qabul qilgan.

“Dushanbe shahrining g‘arbiy chekkasida joylashgan yoqilg‘i quyish shaxobchasidagi yong‘in kuchli portlashni keltirib chiqardi, oqibatda 29 kishi kuyish va turli darajadagi tan jarohatlari oldi, ulardan besh nafarining ahvoli og‘ir”, deydi Yusufiy.

Uning so‘zlariga ko‘ra, yoqilg‘i quyish shaxobchasidagi portlash sabablari o‘rganilmoqda.