Tojikistonda yangi o‘quv yili yangicha talablar bilan boshlandi
Olam
−
17 avgust 2020 8673
Bugun, 17 avgust kuni Tojikistonda yangi o‘quv yili boshlandi. 2020-2021 o‘quv yili odatiy muddatidan 2 hafta avval boshlandi.
Endilikda koronavirus sabab maktablarda yangi tartib va talablar amal qila boshlagan. xususan, niqob taqish va aniseptik olib yurish barcha o‘quvchilar uchun majburiy. Yo‘laklarga va maktab hovlisiga masofani saqlash bo‘yicha belgilar o‘rnatilgan. Oraliq masofa 1,5 metrni tashkil qilishi kerak.
Tojikistonda bolalar koronavirus sabab aprel oyida ta’tilga chiqarilgandi. Vaziyat barqarorlashgani sababli Ta’lim vazirligi o‘quv yilini ikki hafta oldin boshlashga qaror qilgan.
Vazirlik maktablarda koronavirus profilaktikasi bo‘yicha barcha talablarga amal qilinishiga ishontirmoqda.
Ma’lumot uchun, Tojikistonda 8 065 kishida koronavirus aniqlangan. Ularning 64 nafari vafot etgan va 6 855 nafari sog‘aygan.
Live
Barchasi07 noyabr 2023
07 noyabr 2023
07 noyabr 2023
