Tojikiston Afg‘onistonga yaqin aeroportlarini Mudofaa vazirligiga topshirdi

Tojikiston hukumati mahalliy aviakompaniyalar uchun aeroportlarni shahar va tumanlar munitsipal mulkidan respublika mulki va mamlakat Mudofaa vazirligi balansiga o‘tkazish to‘g‘risida qaror qabul qildi. Hujjat Adliya vazirligining huquqiy axborot portalida e’lon qilindi.

Hukumat qaroriga ko‘ra, Qirg‘iziston bilan chegara yaqinida joylashgan Isfara aeroporti Xo‘jand xalqaro aeroporti tasarrufidan chiqarilib, Tojikiston Mudofaa vazirligiga o‘tkazilgan.

Farxor viloyati va Afg‘oniston bilan chegaradosh Mir Said Ali Hamadoniy viloyati aeroportlari mudofaa ishlari boshqarmasi ixtiyoriga o‘tkazildi. Bu ob’ektlar Tojikiston mudofaasiga ko‘maklashish jamoat tashkiloti markaziy qo‘mitasi balansida bo‘lgan.

Bundan tashqari, shahar va tumanlar munitsipal mulkidan 18 ta mahalliy aviakompaniya aeroportlari Mudofaa ishlari boshqarmasi tasarrufiga beriladi.

Aeroportlarni qayta tiklash va doimiy shay holatga keltirish uchun safarbarlik chaqiruvi rezervi tarkibiga harbiy xizmatni o‘tash uchun ajratiladigan mablag‘lar Mudofaa vazirligiga yuklatiladi.

Vazirlik balansiga o‘tkazilgan aeroportlar ro‘yxati quyidagilar:

• Panj tumani aeroporti;
• Shamsiddin Shoxin tumani aeroporti;
• Dashtijum aeroporti;
• Iol aeroporti;
• Ayninskiy tumani aeroporti;
• Istaravshan aeroporti;
• Asht tumani aeroporti;
• Konibodom shahri aeroporti;
• Panjikent aeroporti;
• Ishkashim tumani aeroporti;
• Rushanskiy tumani aeroporti;
• Vanj tumani aeroporti;
• Kalai Xumba aeroporti
• Sagirdasht aeroporti;
• Lyaxsh tumani aeroporti;
• Lyaxsh aeroporti;
• Tojikobod viloyati aeroporti;
• Rasht tumani aeroporti.

Hozirda parvozlar mamlakatning faqat to‘rtta xalqaro aeroportidan amalga oshirilmoqda: Dushanbe, Xo‘jand, Boxtar va Ko‘lob. 2008 yilda Tajik Air GUAP qayta tashkil etilgandan so‘ng, ushbu to‘rtta bandargoh xalqaro aeroportlar maqomini oldi va mustaqil xo‘jalik yurituvchi sub’ektlarga aylantirildi.

Xorug‘ aeroporti Dushanbe xalqaro aeroportining tarkibiy bo‘linmasiga aylandi va nisbatan kichik bo‘lgan 29 ta aeroport mahalliy hokimiyatlar balansiga o‘tkazildi. Ayni paytda ularni saqlash uchun mablag‘ yo‘qligi sababli kichik aeroportlar faoliyati to‘xtatildi.