Toto Kutuno vafot etdi
Madaniyat-san’at
−
22 avgust 2023 22880
L’Italiano qo‘shig‘i bilan tanilgan italiyalik qo‘shiqchi Toto Kutuno 80 yoshida vafot etdi. Bu haqda “Ansa” agentligi xabar berdi.
Ma’lum qilinishicha, xonanda Milandagi San-Raffayele shifoxonasida olamdan o‘tgan. Uning menejeri Danilo Mankuzoga ko‘ra, Kutuno uzoq vaqtdan beri xasta bo‘lgan va so‘nggi oylarda ahvoli og‘irlashgan.
Salvatore Kutuno 1943 yil 7 iyulda Toskanadagi Fozdinovo shahrida tug‘ilgan. U o‘z faoliyatini kompozitor sifatida boshlagan. 1980 yilda u San-Remodagi musiqa tanlovida “Solo noi” qo‘shig‘i bilan ishtirok etib, g‘olib bo‘lgan. Uch yildan so‘ng u “L’Italiano” kompozitsiyasi bilan konkursda qatnashadi va bu qo‘shiq unga olamshumul mashhurlik keltirgan.
Toto Adriano Chelentano, Mirey Mate, Dalida kabi mashhurlar hamda Ricchi e Poveri guruhi bilan ham hamkorlik qilib, ular uchun musiqa bastalagan.
Live
Barchasi
