“Toshshahartrans” OAJ binosida yong‘in

Jamiyat

image

Bugun, 11 fevral kuni “Toshshahartrans” OAJ binosida yong‘in chiqdi. Bu haqda IIV YOXBB xabar bermoqda. 

Soat 08.30 da Toshkent shahar IIBB Yong‘in xavfsizligi boshqarmasi Yong‘inni o‘chirish kuch va vositalarini boshqarish va muvofiqlashtirish markaziga Yunusobod tumani, “Buyuk turon” mahallasi A.Temur 1-tor ko‘chasi 6-uyda joylashgan “Toshshahartrans” OAJ binosida yong‘in sodir bo‘layotganligi haqida xabar kelib tushgan.

Xabar asosida yong‘in joyiga zudlik bilan 5 ta asosiy va 2 ta maxsus yong‘in o‘chirish ekipajlari jalb etilgan. Bo‘linmalar soat 08.35 da voqea joyiga yetib kelib, yong‘in soat 08.52 da to‘liq bartaraf etilgan. 

Yong‘in “Toshshahartrans” OAJ binosida ijarada bo‘lgan “VY MIRAGE SONSTRUCTION DESIGN” MCHJga qarashli mebel ishlab chiqarish korxonasi bosh ofisida yuzaga kelib, oqibatda 60 kv metr maydonda imoratning tom va shift qismi yonib zararlangan. 

Tan jarohati olganlar va halok bo‘lganlar yo‘q. Ko‘rilgan tezkor harakatlar natijasida yong‘indan binoning 400 kv metr maydoni saqlab qolingan. 

Yong‘in holati yuzasidan tergovga qadar tekshiruv olib borilmoqda. Yong‘in sababi va moddiy zarar miqdori aniqlanmoqda. 
 


Maqola muallifi

avatar

.

Teglar

Yong'in Toshshahartrans

Baholaganlar

14

Reyting

3.1

Maqolaga baho bering

Doʻstlaringiz bilan ulashing