Toshkentning ayrim ko‘chalari 3 kunga yopiladi
Jamiyat
−
19 iyul 2023 5321
Poytaxt Toshkentning Yangi Sergeli va Qipchoq ko‘chalari kesishmasigacha bo‘lgan oraliqdagi yo‘l 3 kunga yopiladi. Bu haqda Toshkent shahar hokimligi xabar berdi.
Keltirilishicha, joriy yilning 19 iyul kuni soat 15:00 dan 21 iyul 21:00 ga qadar Nurliyo‘l ko‘chasining THAY bilan kesishmasidan, Xonobod 1-tor va Qipchoq ko‘chalari bo‘ylab Yangi Sergeli va Qipchoq ko‘chalari kesishmasigacha bo‘lgan oraliqdagi yo‘l vaqtincha to‘liq yopiladi. Bunga Toshkent metropolitenining yer usti halqa liniyasida qurilish ishlari olib borilayotgani sabab qilib ko‘rsatilgan.
“Noqulayliklar uchun haydovchilardan uzr so‘rab, aylanma yo‘llardan foydalanishlarini tavsiya etamiz”, deyiladi shahar hokimligi matbuot xizmati xabarida.
