Toshkentdan Osiyo o‘yinlari mezbonligi olib qo‘yilganining sababi ma’lum bo‘ldi

Avvalroq, Osiyo Olimpiya kengashi (OOK) O‘zbekistondan Osiyo o‘yinlari mezbonligini olib qo‘yib, 2025 yilgi Osiyo o‘smirlar o‘yinlarini Bahraynga ishonib topshirgani xabar qilingandi.

Osiyo Olimpiya kengashi Ijroiya kengashining 2 dekabr kuni bo‘lib o‘tgan onlayn yig‘ilishida O‘zbekiston Milliy olimpiya qo‘mitasi OOKga 2025 yil sentyabr oyida Olimpiya shahri qurilishi rejalashtirilganidek, o‘z vaqtida o‘tkaza olmasligi haqida xat yuborgan.

OOK Bosh direktori janob Husain Al Musallam 2025 yilgi Yoshlar o‘rtasidagi Osiyo o‘yinlari yosh cheklovlari va saralash bo‘yicha 2026 yilda Senegalning Dakar shahrida bo‘lib o‘tadigan o‘smirlar Olimpiya o‘yinlari bilan bog‘liqligini, shuning uchun Osiyo o‘smirlar o‘yinlarini keyinga qoldirish mumkin emasligini aytgan.

Bahrayn Olimpiya qo‘mitasi, sport maydonchalari, turar joy va tibbiy xizmatlar nuqtai nazaridan 2025 yilda musobaqani o‘tkazishga tayyor ekanliklarini bildirdi.

Uchrashuvda, shuningdek, Bahrayn tomoni 2024 yil oktyabr oyida Xalqaro maktab sporti federatsiyasi (ICF) gimnaziyasini muvaffaqiyatli o‘tkazgani, musobaqada 5000 dan ortiq ishtirokchi, shu jumladan 4000 nafar sportchi ishtirok etganini ma’lum qildi.

OOK Ijroiya kengashi 2025 yilda o‘smirlar o‘rtasidagi Osiyo o‘yinlarining Bahraynda o‘tkazilishini bir ovozdan ma’qulladi va O‘zbekiston Milliy Olimpiya qo‘mitasiga barcha sarmoyalari uchun minnatdorlik bildirib, O‘zbekiston kelajakda yirik tadbirlarga mezbonlik qilishi mumkinligini aytgan.