Toshkentdagi qurilish binolaridan birida yong‘in yuz berdi (video)
3-sahifa
−
14 Oktabr 2023 5386
Ijtimoiy tarmoqlarda Toshkent shahri Mirobod tumanida qurilish binosida yong‘in yuz bergani haqida xabarlar tarqaldi. Holat yuzasidan Mirobod tumani hokimligi ma’lumot berdi.
Qayd etilishicha, yong‘in "Inoqobod" mahallasi, Yangi zamon ko‘chasida joylashgan "Grinvich" mas’uliyati cheklangan jamiyatiga tegishli qurilish binosida yuz bergan.
Yong‘in ro‘y bergani haqida tuman favqulodda vaziyatlar boshqarmasiga soat 11:45da xabar kelib tushgan. O‘t o‘chirish tarkibi hodisa joyiga 11:50 da yetib borgan.
Ayni vaqtda yong‘in bartaraf etilgan. Aniqlanishicha lak bo‘yog‘i yongan, yong‘in 15 kv maydonni egallagan.
"Jabrlanganlar yo‘q, yong‘in sabablari aniqlanmoqda", deyiladi xabarda.
Live
Barchasi
