Toshkentda yana bir qator jinoyatlarni sodir etgan shaxslar ushlandi

Poytaxtda o‘tkazilayotgan tezkor-profilaktik tadbirlarning “Dolzarb 40 kunlik”i doirasida bir qator jinoyatlarni sodir etgan shaxslar ushlandi. Bu haqda Toshkent shahar Ichki ishlar bosh boshqarmasi xabar berdi. 

Ushbu shaxslar Toshkent shahar IIBB huzuridagi Tergov boshqarmasi tomonidan tergov qilinayotgan jinoyat ishi bo‘yicha gumon qilinuvchi tarzida jalb etilgan: 

1. 1988 yilda tug‘ilgan Islomov Otabek Shuhratovich (O‘zbekiston Respublikasi Jinoyat kodeksi 165-moddasi tovlamachilik; 168-moddasi firibgarlik);

2. 1988 yilda tug‘ilgan Salimbekov Azamat Avazjonovich (O‘zbekiston Respublikasi Jinoyat kodeksi 165-modda 3-qismi, juda ko‘p miqdorda tovlamachilik);

3. 1988 yilda tug‘ilgan Minovarov Shuhrat Akbarovich (O‘zbekiston Respublikasi Jinoyat kodeksi 165-modda 2-qismi, bir guruh shaxslar tomonidan tovlamachilik, 168-modda firibgarlik);

4.1992 yilda tug‘ilgan Minovarov Shavkat Akbarovich (O‘zbekiston Respublikasi Jinoyat kodeksi 165-modda 2-qismi, bir guruh shaxslar tomonidan tovlamachilik);

5. 1977 yilda tug‘ilgan Urazov Marat Pulatovich (O‘zbekiston Respublikasi Jinoyat kodeksi 168-moddasi 3-qismi, ko‘p miqdorda firibgarlik);

6. 1992 yilda tug‘ilgan Isaxunov Abduqodir Tohir o‘g‘li (O‘zbekiston Respublikasi Jinoyat kodeksi 277-moddasi 3-qismi, bezorilik, 168-moddasi firibgarlik).

Jinoyat ishi doirasida gumon qilinuvchilarga nisbatan qamoqqa olish tarzidagi ehtiyot chorasi qo‘llangan. Tergov davom etmoqda.

“Hurmatli fuqarolar, agar Siz ushbu shaxslardan yoki guruh a’zolaridan jabr ko‘rgan bo‘lsangiz yoki ushbu shaxslarning jinoiy xatti-harakatlari bo‘yicha ma’lumotlarga ega bo‘lsangiz, Toshkent shahar IIBBning 71-206-45-69, 71-206-49-46 yoki 102 raqamlariga yoxud 99-370-73-94 Telegram raqamiga murojaat qilishingizni so‘raymiz. Murojaatchining shaxsi sir saqlanishi kafolatlanadi”, deyiladi poytaxt IIBB xabarida.

Eslatib o‘tamiz, shu yilning 12 dekabr kuni Toshkent shahrida "Dolzarb 40 kunlik" tadbiri doirasida 103 nafar shaxs qo‘lga olingani ma’lum qilingandi.