Toshkentda Spark haydovchisi 65 yoshli piyodanining o‘limiga sababchi bo‘ldi
3-sahifa
−
02 noyabr 2021 3702
Joriy yilning 31 oktyabr kuni Toshkentning Yunusobod tumanida yuz bergan yo‘l-transport hodisasi oqibatida 65 yoshli fuqaro qurbon bo‘ldi. Bu haqda Toshkent shahar IIBB Matbuot xizmati xabar berdi.
YTH soat 18:30 larda Yunusobod tumanidagi KHAY ko‘chasida sodir bo‘lgan. Spark rusumli avtomashina haydovchisi 26 yoshli H.H. tartibga solinmagan piyodalar yo‘lagidan o‘tayotgan 65 yoshli T.U.ni urib yuborgan. Oqibatda T.U. olgan tan jarohatlari sababli shifoxonaga olib ketilayotgan vaqtda vafot etgan.
Mazkur holat yuzasidan O‘zbekiston Respublikasi Jinoyat kodeksining 266-moddasi 2-qismi (“Transport vositalari harakati yoki ulardan foydalanish xavfsizligi qoidalarini buzish”) bilan jinoyat ishi qo‘zg‘atilgan.
