Toshkentda kichik halqa yo‘lining bir qismi yopiladi
Jamiyat
−
13 yanvar 6486
Toshkentda kichik halqa yo‘lining bir qismi yopiladi. Bu haqda poytaxt hokimligi ma’lum qildi.
Toshkent shahrida yog‘ingarchiliklar oqibatida hududlarda suv to‘planib qolishining oldini olish maqsadida drenaj tizimlarini reja asosida yangilash va ta’mirlash ko‘zda tutilgan.
Shu ishlarni yakunlash doirasida, poytaxtning KHAYning Istirohat ko‘chasi bilan kesishmasidan Qo‘rg‘oncha ko‘chasigacha bo‘lgan qismi ertaga, 14 yanvar kuni soat 00:00 dan 04:00 gacha qisman yopiladi.
Harakat yo‘lning bir tomonidan har ikki yo‘nalishda amalga oshiriladi.
“Keltirilgan noqulaylik uchun uzr so‘ragan holda, haydovchilarga shu vaqt oralig‘ida aylanma yo‘llardan foydalanishni tavsiya qilamiz”, deyiladi xabarda.
Eslatib o‘tamiz, bugun, 13 yanvar Toshkentdagi “Humo Arena” muz saroyi va unga tutash hududdagi ko‘chalarda avtotransport harakati vaqtincha to‘xtatildi.
Live
Barchasi
