Toshkentda do‘kon va dorixona binosiga o‘t ketdi (video)
3-sahifa
−
08 iyun 2023 7697
Poytaxt Toshkentning Yunusobod tumanida joylashgan jamoat binosida yong‘in sodir bo‘ldi. Bu haqda Favqulodda vaziyatlar vazirligi Axborot xizmkati xabar berdi.
Unda bayon etilishicha, bugun 8 iyun kuni soat 12:50 da Toshkent shahar Yunusobod tumani A.Temur ko‘chasida joylashgan do‘kon va dorixonada yong‘in sodir bo‘lgani to‘g‘risida shahar FVBga xabar tushgan. Shunga ko‘ra, 5 ta yong‘in-qutqaruv ekipaji soat 12:58 da voqea joyiga yetib borib, yong‘in soat 13:04 da o‘rab olingan va 5 daqiqada o‘chirilgan.
Dastlabki ma’lumotlarga ko‘ra, yong‘in oqibatida do‘kon va dorixonaning taxminan 80 kv m maydonda old tomon yonib zararlangan. Hodisa oqibatida tan jarohati olgan va halok bo‘lganlar yo‘q. Hozirda yong‘in sababi va moddiy zarar miqdori aniqlanmoqda.
