Toshkentda BMW X7 ag‘darilib ketdi
3-sahifa
−
25 yanvar 9266
Toshkent shahri Yakkasaroy tumanida BMW avtomashinasi haydovchisi yo‘l-transport hodisasini sodir etdi. Bu haqda poytaxt IIBB Yo‘l harakati xavfsizligi boshqarmasi ma’lum qildi.
Bugun, 25 yanvar kuni soat 11:30 larda Yakkasaroy tumani Shota Rustaveli ko‘chasida haydovchi 1976 yilda tug‘ilgan H.K. boshqaruvida bo‘lgan BMW avtomashinasi harakat davomida rul boshqaruvini yo‘qotib, yoritgich ustuniga borib urilgan.
Mazkur YTH oqibatida BMW avtomashinasi haydovchisi hamda 2 nafar yo‘lovchilari yengil tan jarohati olgan.
Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.
“Barcha haydovchilardan belgilangan qoidalarga amal qilishlarini hamda oraliq masofani saqlab harakatlanishlarini so‘raymiz”, deyiladi xabarda.
Live
Barchasi
