Toshkentda BMW X5 simyog‘ochga urilib, ag‘darildi
3-sahifa
−
15 dekabr 2020 10847
Kecha, 14 dekabr kuni Toshkentda BMW X5 rusumli avtomobil ag‘darilib, yo‘l-transport hodisasi sodir etdi. Bu haqda YHXBB xabar berdi.
Soat 12:10 larda Uchtepa tumani, To‘qimachi ko‘chasida haydovchi, 1998 yilda tug‘ilgan A.A. BMW X5 rusumli avtomobilda harakatlanayotib boshqaruvni yo‘qotgan va yo‘l chetidagi simyog‘ochga urilib, avtomobil ag‘darilgan.
Hodisa natijasida vafot etgan yoki tan jarohati olganlar yo‘q.
Mazkur YTH yuzasidan Toshkent shahar IIBB YHXB mas’ul xodimlari tomonidan tegishli hujjatlar rasmiylashtirilib, surishtiruv ishlari olib borilmoqda.
